عزيزي الزائر / عزيزتي الزائرة يرجي التكرم بتسجبل الدخول اذا كنت عضواً معنا
او التسجيل ان لم تكن عضو وترغب في الانضمام الي اسرة منتدي المبرمج السوداني
سنتشرف بتسجيلك
شكرا جزيلاً

ادارة منتديات المبرمج السوداني


المبرمج السوداني
 
التسجيلالرئيسيةس .و .جبحـثدخول

شاطر | 
 

 خطوة دقاقة للشاعر خليفة عثمان خليفة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
walid
المشرف العام
المشرف العام


ذكر
عدد الرسائل : 243
العمر : 34
الاوسمة : الادارة
نقاط : 168
تاريخ التسجيل : 03/06/2008

مُساهمةموضوع: خطوة دقاقة للشاعر خليفة عثمان خليفة   الإثنين سبتمبر 12, 2011 4:44 am



قصة القصيدة اثناء فترة دراسته بالجامعة شاهد فتاة جميلة تمشى فى فناء الجامعة ولشئ ما وقعت هذة البنت الجميلة ( اترتعت) ... و بين ردود افعال الحضور المختلفة كان رد احدهم( دي الشلاقة)
ولكن الرائع خليفة عثمان خليفة كان له وقفة فى هذه الحادثة فكتب هذه القصيدة الجميلة لتكون الوقعة مقالدة سلام وتعبير عن اشواق





العــــــــــتره


مشيه رشيقه خطوه دقاقه
أبداً ماوقعتي شلاقه
عينيك باب نعاسه متاقه
والسماء والأرض عشاقه
رايداكي الأرض والوقعه
تعبير ليكي عن أشواقه
خوفي عليكي بكره تطيري
لمه تكون سماك مشتاقه
عتبت من وجع تتهادى
في رقه ودلال متناهيه
وعاتبنا الأرض لمناها
وريناها إنها خاتيه
حذرناها ماترميها
فتشي عن وسائل تانيه
تمتمت الأرض محزونه
قات لي غلبني هوايا
زاد الشوق وقلب قلبي في القلايه
شوق إيه يا أرض جنيتي؟؟
يومي عليكي ماشه وجايه
وأربعه فوق تلاتين مره
تسجد فوق وشيك صلايه
فندت الأرض أقوالي
بي نفس الوزن والقافيه
اَه أنا من سجوده عليّ
واَه من غيرة المصلايه
كيف تلمس ترابي جبينه
أو زهر الخدود الناديه
وفيها رشاقه ماخلتني
أشعر بيها ماشه وجايه
تلبس لي الكعاب العالي
ماحصل أنغرز في حشايا
سرعه قبل تختو قديمه
ترفعوا للخطيوه الجايه
أرجوك: تمشي مكتوب ريده
لي ست الجمال الأيه
قوليها: الأرض رايداكي
بالبي ما أظنها داريه
حني عليّ حققي لي
مناي ورجايا
تسلمي من زمان الغش
تلاقي وفايا
قلب الريده عندي مداهو
كم قيس إندفن جوايا
حبة ريد وزي ماك دايره
حبي سوايا
باقي المويه والبارد
خساره تخلي في الكبايه
كلما والارض يكفيها
تكشح فوقي فضلة شايا
ضحكتّ عليها قالت لي
دا الإنسان وظلموا معايا
من يادوبه شافعه صغيره
حزّره بي أوامر ناهيه
ابعدي من التراب ياشافعه
أوعي من عليها تلعبي لاهيه
ناسي الناسي إنو أنا أم
عطوفه وحانيه
والإنسان ولد اَدم
واَدم في النهايه جنايه
صبرّت الأرض واسيته
صدّقتك كلامك صاح
إتعكر سماي ناداني
قال ماصاح
البت بتي كانت نجمه
تهدي الراح
تواسي العاشق المجروح
تسامر في البنوموا صباح
قريبه من الأرض ضوّايه
دايماً للبشر ترتاح
وكت بقت الأرض غابات
والإنسان صبح سفاح
نزلت نجمتي الضوايه
تملأ الدنيا ريد وسماح
وأقسمت الأرض ترعاها
حتى تصوم من الكتاح
وتتوحم عليها المنقه
والأنناسه والتفاح
وتهدي أنفاسه للياسمين
شذى الفواح
ولمه اشتاق
أقالدا بالمطر وإنداح
وأريح باله زين وأرتاح
وماحوى إتفاق بيناتنا
قصة ريده للإصفاح
وأضطرب السما إتعكر
وزمجر وصاح
ودنقرت الأرض خجلانه
تستسمح سماها سماح
قالتلوا العهود مرعيه
وأعتبر السمعتو مزاح
الريد مرتبط بالروح
وللسما تصعد الأرواح


_ التوقيع: ________________




الرجوع الى أعلى الصفحة اذهب الى الأسفل
http://sudan.alafdal.net
الامبراطور
مشرف
مشرف


ذكر
عدد الرسائل : 155
العمر : 35
نقاط : 123
تاريخ التسجيل : 22/08/2008

مُساهمةموضوع: رد: خطوة دقاقة للشاعر خليفة عثمان خليفة   السبت سبتمبر 22, 2012 1:20 pm


الرجوع الى أعلى الصفحة اذهب الى الأسفل
 
خطوة دقاقة للشاعر خليفة عثمان خليفة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: •·.·´¯`·.·• القسم الادبي •·.·´¯`·.·• :: منتدى الشعر وهمس القوافي-
انتقل الى: